Actividades no medio natural

Esta semana os cursos de primeiro e terceio da ESO levaron a cabo diferentes actividades no medio natural. As actividades de rafting e xogos arbóreos foron un éxito para a convivencia entre os grupos das diferentes clases.

Semana branca en Andorra 16/17

O alumnado de 3º e 4º ESO e do Ciclo TSAAFD está a disfrutar nestes días dunha semana branca na estación de Soldeu Tarter en Andorra. Acompañan ao alumnado Eladio Otero e Xosé Luís Janeiro. Engadidas últimas fotos recibidas o 23/1/17. Iremos subindo as fotos que nos vaian remitindo. Ligazón a reportaxe gráfico na nosa conta de facebook do IES Sánchez Cantón de Pontevedra.

Ligazón ao reportaxe gráfico  e ao audiovisual da semana branca do 15/16

Video da 3ª xornada do Ao Insti en Bici do Sánchez Cantón

Aquí tendes o video da 3ª xornada do Ao insti en bici co alumnado de 3º ESOB no que ser realizou a avaliación do alumnado que poderá participar na saída da 4ª xornada sempre e cando traia ese día a súa bici e o casco, pois o último día non eran suficientes as bicis que tíñamos.

Agradecer a Enrique, da Asociación Pedaladas a edición deste e outros videos no seu canle de youtube

Insti en bici 3ª sesión 1/12/16

O xoves 1/12/16 desenvolveuse a 3ª sesión do programa Insti en Bici para 3º ESO B O programa piloto de movilidade chegou a súa 3ª sesión coa colaboración da Asociación Pedaladas: Enrique, Manolo e Virginia, contando coa colaboración de Ricardo, da Policía Local. A sesión desenvolveuse no patio exterior con distintas estacións nas que o alumnado foi mellorando o seu nivel de dominio da bicicleta, sendo avaliados tamén de cara a valorar o seu nivel de capacidade para acceder a actividade de saída que terá lugar o xoves 15 de decembro. Oganizou a actividade o Dto. de Ed. Física. coordinou Alexandre Pérez Gómez

Ligazón ao reportaxe gráfico

Insti en bici 1ª sesión 17/11/16

O 17/11/16 desenvolveuse o Inti en bici – programa piloto para 3º ESO B,  na aula de 1º TSAAFD entre as 12.50 – 13,40 h imparatiuse unha sesión de teoría a cargo de Enrique Pérez Fernández, da Asociación Pedaladas conxuntamente con Ricardo Cruceira Soto, da Policía Local. O programa constará de 4 sesións e na última o alumnado realizará unha saída.  Tendes información completa no foro de comunicacións de 3º ESO. Organizou Asoc. Pedaladas, coordinou Dto. Ed. Física, colaborou Manolo Torres Abal.

Ligazóns:

• Ligazón a todos os detalles sobre calendario e Obxectivos da actividade: Na última sesión terá lugar unha saida práctica na rúa, coa colaboración da Policía Local.
• Ligazón a autorización que deberán traer o luns 21/11/16 (foi entregada o venres 18 en hora de Ed.f)
• Ligazón a reportaxe gráfico da 1ª sesión o xoves 17/11/16
• Para calquer consulta sobre esta actividade falar co profesor de Ed. Física de 3º ESO B Alexandre Perez Gómez ou coa vicedirección.
• Toda a información irá dándose a través do foro de comunicacións ao alumnado de 3º ESO: 

Four Square

O “FOUR SQUARE”

Esta semana, no pavillón,  comezaron algunhas das actividades alternativas para os recreos que forman parte do PDC, organizadas coa colaboración dos alumnos de TASAFD .

A que vimos presentar hoxe chámase FOUR SQUARE;  un xogo moi coñecido en EEUU. De comezar sendo un xogo popular, coas suas variantes según a zona,  hoxe en día estase xogando en ligas oficiais e establécense os criterios para formalizar un regulamento común.

O que nos conquista deste xogo, ademais do divertido que nos parece, é:
– Por unha banda o fácil que resulta a súa organización (simplemente necesitamos un balón e un xiz ou algo para marcar catro cadrados no chan).
– E por outra, a continua mobilidade dos xogadores, facendo que todos os participantes estean alerta e evitando longas esperas nas quendas para xogar

Os propios alumnos de 1º de TSAFAD explícannos as regras básicas a través do seguinte vídeo:

 

Podedes ver máis información en algunha destas ligazóns:

• Explicación de cómo xogar o Four Square a través de 7 imaxes (texto en inglés)
• Vídeo: Reglas Four Square (en inglés) 
• Vídeo: Cómo xogamos o Four square (en inglés)

Taller de malabares

O vindeiro mes de novembro vén cargadiño de propostas alternativas para os recreos. Entre elas presentamos o taller de malabares que terá lugar todos os luns no pavillón.

A actividade, que forma parte do PDC, será dirixida por alumnos de 1º de TSAFAD e centrarase no manexo das bólas e do diábolo. O taller está aberto para todo aquel que teña ganas de aprender algúns trucos, ademais de traballar a coordinación e por suposto  botarse unhas risas.

Non é necesario apuntarse con antelación (simplemente pasade por alí) e tampouco  levar material. Así que xa sabedes… non tedes escusa!

Práctica Acrosport nos recreos

Os días nos que non hai partidos podes vir practicar acrosport no recreo. So tes que falar co profesor ou profesora de garda nese momento e habilitarase unha parte do pavillón para que practiques.

Tenis de mesa

Nos recreos anímate a xogar ao tenis de mesa. As raquetas e as pelotas solicítanse na conserxería ao inicio do recreo (anotarse). Tamén podedes traer o voso propio material.

 

Como debuxar os exercicios na ficha de sesión de Ed. Física

Para que teñades unha referencia á hora de facer as vosas fichas de sesión na materia de Educación Física, vos enlazo un documento que subimos a Scribd no que tendes algúns consellos e exemplos de debuxos de exercicios que podedes facer nas sesións de Educación Física. Debedes de fixaros sempre na proporción do corpo. Facer os debuxos vos obriga a fixaros nos aspectos máis importantes de cada movemento e é unha práctica interesante para o alumnado que non vai a facer a sesión por estar enfermo, lesionado ou ter esquecido o seu material.