deXte: deportes y experiencias educativas

Bitácora de aula de Educación Física

PDC: FINAL FÚTBOL SALA “PEQUENOS”

Posted by enriquereyrodriguez en 24 junio, 2014

 

2014-06-20 11.54.26

O pasado día 20, coincidindo co final de curso, os alumnos participantes no torneo de fútbol sala na categoría de 1º, 2º e 3º da ESO plantexaron a posibilidade de celebrar a final durante o recreo coa presenza das súas clases e todos aqueles que quixeran asistir.

O partido foi disputado polos equipos de “Los Palomos” de 2º A  e “Los Gurilas” de 3º B resultando gañadores estes últimos por un tanteo de 5 a 2, se ben o gañador foi o de menos sendo o verdadeiro vencedor o ambiente reinante na bancada máis o espectáculo e a deportividade vistos no campo.

Cabe resaltar que o partido rematou cun abrazo entre os disputantes e unha fotografía conxunta para inmortalizar o momento.

 

Posted in Educación Física, PDC | Leave a Comment »

PDC: Enquisa para o alumnado

Posted by Paco Carral en 23 junio, 2014

Posted in PDC | Etiquetado: | Leave a Comment »

PDC: Actividades deportivas con motivo do último día de clase 2013-14

Posted by Paco Carral en 20 junio, 2014

20junio

Remata o noso PDC 2013-14 . Por fin hoxe desenvolvéronse as últimas actividades. Pasaron moitos recreos dende o inicio de curso e facemos un balance positivo. A continuación vos paso un enlace ás fotografías das actividades do día 20 que se desenvolveron entre a hora antes do recreo e a hora despois. As actividades se complementaron coa final de fútbol sala dos pequenos que se celebrou no recreo e o concerto que nos deron os grupos asaz e Abyss of Insane. Un día completo para todos pois organizamos actividades para todos os niveis educativos. Agradecer a axuda do alumnado de 1º TSAAFD que colaborou en todas as acttividades, agradecer a  todos os profesores que baixaron ó alumnado, profesores de garda e como sempre especialmente a Enrique, Anxo, Telmo, Pepe e Montse que desenvolveron o PDC deste ano.

Posted in Educación Física, PDC | Etiquetado: | Leave a Comment »

PDC: REMATAN OS TORNEOS ESCOLARES

Posted by enriquereyrodriguez en 11 junio, 2014

P6181102BÁDMINTONWP_20140610_002

Ao longo desta semana finalizarán os distintos torneos deportivos que temos desenvolvido nos recreos durante este curso e co seu remate chegan os gañadores. O momento do triunfo é algo inesquecible para aqueles que o conseguen se ben isto non sería posible sen a presenza do resto de participantes. Para nos, todos e cada un dos que participastes sodes gañadores polo feito de competir e aproveitar o voso tempo de lecer para realizar un ocio activo.

O próximo curso voltaremos con este proxecto e estamos seguros que todos vos, con independencia dos resultados acadados, voltaredes a participar desta experiencia; que por enriquecedora, divertida e formativa consideramos fundamental dentro do voso desenvolvemento integral como persoas.

Grazas a todos por participar e recordade, no verán: máis e mellor deporte.

Posted in Educación Física, PDC | Leave a Comment »

PDC: AMPLIACIÓN E REFORZO DE CONTIDOS NOS RECREOS

Posted by enriquereyrodriguez en 4 junio, 2014

OLYMPUS DIGITAL CAMERA

Ao longo destes días estivemos experimentando a posibilidade de empregar os recreos para reforzar e ampliar actividades propostas nas nosas clases de Educación Física. Concretamente cos alumnos de 1º de Bacharelato co contido de Acrosport.

Debemos resaltar que a proposta foi un éxito tanto polo número e implicación do alumnado como polo resultado obtido.

En base a estes resultados pensamos, de cara o proxecto do ano que ven, que sería interesante a posibilidade de deixar libre períodos concretos de emprego do pavillón nos recreos. Así o alumnado podería preparar algunha proba ou ampliar algún contido que lle interese contando que durante o mesmo haberá un profesor especialista que lle poda botar unha man orientando, corrixindo e incentivando as súas acción.

Estes momentos tamén nos serán útiles para traballar aspectos relacionados co respecto pola instalación e o material así como a recollida do mesmo. Os profesores alí presentes están máis liberados, xa que non están impartindo unha clase, e os alumnos están de xeito voluntario polo que será moito máis doado esixirlles este compromiso.

Posted in PDC | Leave a Comment »

PDC: Final torneo de bádminton individual

Posted by enriquereyrodriguez en 1 junio, 2014

Image

Finalizando o mes de maio comezan a finalizar os torneos escolares que se están a disputar nos recreos.

O primeiro en chegar ao seu fin foi o torneo de individuais de bádminton na categoría de 4º ESO e 1º BACH. Dita final foi disputada por Ricardo Martín de 1º Bach C e Iago Vega de 4º C, resultando gañador este último.

O nivel visto ao longo deste torneo foi moi alto o cal trouxo o interese de numerosos espectadores as gradas.

Nos próximos días irán finalizando os demais torneos nas súas diferentes categorías e iremos coñecendo os gañadores, se ben foi toda a comunidade educativa a que saíu vitoriosa ao integrarnos entorno a estas actividades.

Posted in Bádminton, Educación Física, PDC | Leave a Comment »

PDC: Comenzan as finais de fútbol

Posted by montseferreira en 30 mayo, 2014

2014-05-27 11.38.53

¡ Xa empezaron as finais de fútbol dos máis maiores !

A liga de fútbol é a que máis expectación está a crear, con público sempre na bancada (incluido profesorado).

Recordarvos a todos a normativa do Dto. de Ed. Física no referido á prohibición de entrar no pabellón con comida ou bebida. Recordaros tamén a importancia da puntualidade no comezo dos partidos para todos: árbitros, xogadores e alumnado colaborador. O vindeiro martes seguirán os partidos.

Regulamento FGFS

Posted in Educación Física, PDC | Leave a Comment »

PDC: Partido alumnos – profesores 27/5/14

Posted by Paco Carral en 26 mayo, 2014

IMG_8247

Retomando este ano a costume de realizar o partido alumnos – profesores que tanta tradición tiña no Sánchez, este ano os alumnos de 2º bach o propuxeron e desenvolveuse este pasado luns 26 /5/14 na última hora da mañán no Pabellón do Instituto. O partido comezou cun claro dominio do alumnado que se adiantou no marcador, impoñéndose finalmente os profesores por 4 – 2 .O partido foi de gran espectación, contando coa participación de numeroso público, case todos alumnos de 2º bach.

Xogaron polos profesores: Enrique, Fran, Xosé Manuel, Anxo, Jose e Pepe, agradecendo a inestimable axuda de Miki (1º TSAAFD) na portería. Polos alumnos xogaron: Samuel, Guille, Álvaro, Carlos, Xandre e Calixto. Agradecer tamén a inestimable axuda de Alexandre nas labores de arbitraxe. Durante uns dias teremos as fotografías do partido neste enlace de dropbox para que as descarguedes

Posted in Educación Física, PDC | Leave a Comment »

PDC e convivencia escolar

Posted by peplijo en 17 mayo, 2014

je.pepe

Xa vai de varias reunións nas que intercambiando opinións sobre o Programa Deportivo de Centro comentouse o impacto positivo que pode chegar a ter na convivencia do centro. En lineas xerais á idea é a seguinte:

Na maioria dos centros en Galicia tense presente a lei  4/2011 que regula a convivencia escolar. O problema real co que nos encontramos é que inda que se poida aplicar, na práctica as medidas son mais de caracter pasivo que activo, pois a necesidade real dun observatorio de convivencia ou outros instrumentos de mediación pasan mais pola voluntariedade do persoal que pola propia dispoñibilidade de horas das que dispoña o centro.

Cando empezamos a andaina das diversas actividades quedou pendiente ver se a finais de curso as incidencias que se viñan recollendo en cursos anteriores nos recreos se volvian a repetir tendo a parte do alumnado enredado en diversas actividades. A situación do centro é a seguinte: con mais de 900 alumnos e alumnas os focos principais de reunión dos mesmos tradicionalmente viñan sendo a cafetería con mais de 200 alumnos que pasan por ela todolos días, a biblioteca con outros 200 alumnos e alumnas que permanecen en ela ou ben todo o recreo (en torno a uns 80-100) ou ben de maneira itinerante (100-120). O resto do alumnado repartiase polos diversos andares do centro e polo patio, sen olvidar tamen que o alumnado de bacharelato acostuma a non permanecer no centro no tempo de lecer. Esto quere dicir que en torno a uns 200-300 alumnos non tiñan unha ocupación real na que pasar o tempo no recreo e xuntase tamén que moitos dos que están en outras zonas itineran entre un lugar e outro. A realidade amosa que o final sempre habia algún alumno ou alumna que acaba mostrando conductas contrarias á convivencia: ou ben un empurron ou calquer enganchada cos compañeiros ou compañeiras.

A práctica no presente curso 2013/14 revelanos que boa parte do alumnado desocupado nos recreos agora encontrou unha actividade ca que enredar no tempo de lecer. Algunhas con mais reclamo que outras (o día de Zumba foi o exemplo de como deberan ser todolos recreos, en cambio é verdade que outras actividades non teñen o mesmo tirón) o certo é que boa parte do alumnado se involucrou a diversos niveis. O impacto na convivencia que é o que intentamos reflexar, tamén foi positivo, reducindose nos recreos as conductas contrarias á mesma.

Posted in Educación Física, PDC | Etiquetado: , | Leave a Comment »

PDC: Xornada de xogos tradicionais

Posted by anxogo en 16 mayo, 2014

IMG_8035

XORNADAS DE XOGOS TRADICIONAIS NO IES SÁNCHEZ CANTÓN
O alumnado do noso centro que cursa o 1º ano de Técnico Superior en Animación de Actividades Físicas e Deportivas (TSAAFD), como traballo avaliable dentro do Módulo de Xogos e Actividades Físicas de Animación, preparou, dirixiu e dinamizou esta actividade para o resto de compañeiros do instituto. Leer el resto de esta entrada »

Posted in Educación Física, PDC, xogos | Leave a Comment »

 
Seguir

Recibe cada nueva publicación en tu buzón de correo electrónico.